Phyllis Grant. Kloqowejk aqq Kuntall

français / English

– Kisi-Mi’kmaw wi’kek Serena Sock (Elsipogtog)

Christopher Grant. Flurry of recovery, Ink on paper/digitally colored, 2018

Mkne’n msɨt na’kwekl
Ujit wlta’suaqnn
Wikumit wije’wan
Ma’ kisi-pawi-ankita’siw
Tela’tekek njiknam na nmaltem
Ta’n neyitkl welteskl klusuaqnn wejiaql nkijk
Ilkwenm pisew
Ketu’ nmitul maw-klu’lkewe’ym
Ikana’tu kelu’lkewey kkat.
Kisna pasɨk etli-iknmuin tlipnen
Ta’n mu koqowey ewi’kasinuk
Ujit ta’n wenik akumjik
Ke’ menaq tluey ta’n ketu’ tluen
Kisna mukk pajel teluew
Pana ketu’ nutm
Ta’n wenin Ki’l.
Mu ta’n telki’k suliewey eltu’n
Kisna ta’n teli-ksikawa’sik kutepaqn
Me’ meski’k nuta’y we’kaw pa’qalaywik
Eym ta’n menaqa tele’ymk
Msɨt tami kaqi-peykwijuik nluskwatiknm
Etl-patuetestu nunji
Stike’ etli-ewla’lut James Dean
Ni’n na ikani-kjitekey
Sans the Obvious Scheme
Kesatm kejitu ta’n telta’si
Ta’n kejitu ta’n tett eliey
Ila’tu awti ujit ta’n
Wenik nuta’ti’tik ikana’luksin
L’miaq ku’knman mlkikno’ti
Ujit kjiji’sin ta’n wenin
Na tujiw kisi-tluetesk
na tl-tukua’s tela’tekek kisi-tla’teka’s
welta’si kisi-klnm ujit ta’n tel-wi’tmasi aqq ilsutmaqnn
aqq maw-lukutimk ujit ta’n mawi-kna’tijik.

Moqwa’, ma’ punia’tikw
Aqq poqji-jipaqita’jik
Tela’tekek etli-amalko’lti’kwik kloqowejk
Aqq sa’qeweye’l kuntall
Moqwa’ ma’ jenita’wek
Aqq pem-siwia’tijik
Tela’tekek eli-amalko’lti’kwik kloqowejk
Aqq sa’qeweye’l kuntall

O’ ! kejitu pem-sa’se’wa’sik
Aqq apukjik wejku’waq
Nepitasikl L’nue’kati’l tukwia’tikl aqq
Poqji-saqaliaql
Mu nuku’ satenasinukul :
Ilsutasik sewiska’tekenew
Kaq- mno’tasikl kepijoqa’tekemkewe’l
ta’n ewla’tekekl aqq naqa’tekekl
kesatasik teluemk ni’n na kesatm koqowey kelu’lk
aqq matnatkatm koqowey winjik
Ntamlnm mna’q sikueyuk
Pana tumaqniwju’wet
Ni’n npɨkikw na ki’l Ansale’wit
Ta’n tujiw pata’tekekmkl etekl
Ma’ kisi-naqa’masiw ta’n teluey
Mu nuta’nuk ilimuen
Ta’n koqowey kelu’lk kisitasik
wla ta’n eymu’k
Wla ni’n teluey, kisi-wekettesk kisna naqtɨtesk’
L’miaq kelu’lkewey patuetesmɨsk tmsaqniktuk
Me’ puatmn na kisi-jiksɨttesk
Aqq ta’n tujiw nemitu nsinukowaqnm
Kaqi-ila’sikek
Aqq nike’ kisi-satekopa’sites
Maqamikewiktuk – atlasmimk
Kji’ttesk ta’n tele’y
Ma’ jikla’siw, siawi-i’tes
Etli-amalkko’ltimkik kloqowejk
Aqq sa’qeweye’l kuntall
In deciduos boughs
Ekel, njijjaqamij pasɨk pitew
Aqq l’miaq pualin na juku’wa’s
Ta’n teli-aja’sik kmu’j
Alasutmay saputa’sin ta’n mu espɨtenuk
aqq nmitun ta’n koqowey kisi-wnaqa’siktɨtew
ta’n tett teliaq

Moqwa’, ma’ punia’tikw
Aqq poqji-jipaqita’jik
Tela’tekek etli-amalko’lti’kwik kloqowejk
Aqq sa’qeweye’l kuntall
Moqwa’ ma’ jenita’wek
Aqq pem-siwia’tijik
Tela’tekek eli-amalko’lti’kwik kloqowejk
Aqq sa’qeweye’l kuntall

Phyllis Grant
No 17.